ބޮލީވުޑްގެ ސެލެބްރިޓީ ކަޕުލް ރަންވީރް ސިންގާއި ދީޕިކާ ޕަޑުކޯންގެ އަލަތު ދަރިފުޅު ދުއާ ޕަޑުކޯން ސިންގުގެ ފޮޓޯއެއް ފުރަތަމަ ފަހަރަށް އިއްޔެ އާންމުކޮށްފި އެވެ.

އެ ފޮޓޯ އާންމުކުރީ ދިވާލީގެ މުނާސަބަތުގައި ފޭނުންނަށް އެ ދުވަހުގެ ތަހުނިޔާ ފޮނުވުމަށް ރަންވީރާއި ދީޕިކާ އިންސްޓަގްރާމްގައި ކުރި ޕޯސްޓެއްގަ އެވެ. އެ ފޮޓޯގައި ދުއާ އުރާލައިގެން ދީޕިކާ ހުރި އިރު، ކައިރީގައި ރަންވީރް ވެސް ހުއްޓެވެ. އަދި މިއީ ދަރިފުޅުގެ މޫނު ފެންނަ ފޮޓޯއެއް އެ ދެމަފިރިން އާންމުކުރި ފުރަތަމަ ފަހަރެވެ.

ރަންވީރާއި ދީޕިކާއަށް އަންހެން ކުއްޖަކު ލިބުނީ މިދިޔަ އަހަރުގެ ސެޕްޓެމްބަރު މަހުގެ އަށްވަނަ ދުވަހު އެވެ.

މައުޟޫޢުތަށް