މި އަހަރު ގެންނަން އަމާޒުކުރި ޓޫރިސްޓުންގެ އަދަދު ހަމަކުރަން، ކުރިއަށް އޮތް ދެ މަހު ހަ ލައްކަ ޓޫރިސްޓުން ގެންނަންޖެހޭނެ ކަމަށް ހިސާބުތަކުން ދައްކައިފި އެވެ.

ޓޫރިޒަމް މިނިސްޓްރީގެ އެންމެ ފަހުގެ ހިސާބުތަކުން ދައްކާ ގޮތުން މިއަހަރުގެ މިހާތަނަށް ރާއްޖެއަށް އައީ 1.7 މިލިއަން ޓޫރިސްޓުންނެވެ. މި އަހަރުގެ ރިޔާސީ ބަޔާން އިއްވަވަމުން އެންމެ މުހިއްމު އަމާޒެއްގެ ގޮތުގައި ރައީސް ޑރ. މުހައްމަދު މުއިއްޒު އިއުލާނުކުރެއްވީ އަހަރު ނިމޭ އިރު 2.3 މިލިއަން ޓޫރިސްޓުން ރާއްޖެއަށް ގެނައުމެވެ.

މިނިސްޓްރީގެ ހިސާބުތަކުން ދައްކާ ގޮތުން ކުރިއަށް އޮތް ދެ މަހު، ކޮންމެ މަހަކު އެންމެ މަދުވެގެން ގާތްގަނޑަކަށް ތިން ލައްކަ ޓޫރިސްޓުން ގެނެސްގެން ނޫނީ އަމާޒަށް ވާސިލެއް ނުވާނެ އެވެ. އެކަމަކު އެއީ މިހާތަނަށް އެއް މަސްތެރޭ ރާއްޖެއަށް ޓޫރިސްޓުން ގެނެވުނު އަދަދެއް ނޫނެވެ. މިހާތަނަށް އެންމެ ގިނަ ޓޫރިސްޓުން އައި ކަމުގެ ރެކޯޑް އޮތީ މިދިޔަ އަހަރުގެ ފެބްރުއަރީ މަހު އެވެ. އެއީ 217،000 އެވެ.

މައުޟޫޢުތަށް