އިންޑިއާގައި މިހާރު ފާހަގަކުރަމުން އަންނަ ދިވާލީ ޗުއްޓީއާ ދިމާކޮށް މިދިޔަ އަންގާރަ ދުވަހު ޕްރިމިއާކުރި ރަޝްމިކާ މަންދަނާ އާއި އަޔުޝްމަން ކުރާނާގެ ފިލްމު "ތައްމާ"އަށް ބޮކްސް އޮފީހުގައި ރަނގަޅު ފެށުމެއް ލިބިއްޖެ އެވެ.

ރިޕޯޓްތައް ބުނި ގޮތުގައި، ހޮރޯ ކޮމެޑީ ފިލްމު "ތައްމާ"އަށް ދުނިޔޭގެ ބޮކްސް އޮފީހުގައި ފުރަތަމަ ދުވަހު ވަނީ 32 ކްރޯޑް ރުޕީސްއަށް ވުރެ ބޮޑު އާމްދަނީއެއް ލިބިފަ އެވެ. އޭގެ ތެރެއިން 31 ކްރޯޑް ރުޕީސްއަށް ވުރެ ބޮޑު އާމްދަނީއެއް ލިބުނީ ހަމައެކަނި އިންޑިއާގެ ސިނަމާތަކުގައި ދައްކައިގެންނެވެ.

އެއީ މި އަހަރުގެ އެންމެ ކާމިޔާބު އެއް ބޮލީވުޑް ފިލްމު ކަމަށްވާ "ސައްޔާރާ"އަށް ފުރަތަމަ ދުވަހު ލިބުނު ވަރަށް ވުރެ ވެސް ބޮޑު އާމްދަނީއެކެވެ. "ސައްޔާރާ"އަށް ފުރަތަމަ ދުވަހު ލިބުނީ 30 ކްރޯޑް ރުޕީސް އެވެ.

މައުޟޫޢުތަށް