އދ.ގެ އެންމެ މަތީ ކޯޓުގެ ނިންމުމެއް: ޣައްޒާއަށް އެހީ އެތެރެކުރުުން އިޒްރޭލުން ފަސޭހަކޮށްދޭންޖެހޭނެ
މިހާރު
22 އޮކްޓޯބަރު 2025 | ބުދަ | 8:17
ފަލަސްތީނުގެ ޣައްޒާއަށް އެހީގެ ސާމާނު ވެއްދުން އިޒްރޭލުން ފަސޭހަކޮށްދޭންޖެހޭނެ ކަމަށާއި ފަލަސްތީނުގެ ރައްޔިތުންނަށް ބޭނުންވާ އަސާސީ ތަކެތި ފޯރުކޮށްދިނުން އިޒްރޭލަށް ލާޒިމްވާނެ ކަމަށް އިންޓަނޭޝަނަލް ކޯޓް އޮފް ޖަސްޓިސް އިން މިއަދު ބުނެފި އެވެ.
އދ.ގެ އެންމެ މަތީ ކޯޓުން މި ރޫލިން ނެރެފައި މި ވަނީ އިޒްރޭލާއި ހަމާސް އިން ދެ އަހަރަށް ފަހު ހަމަލާތައް ހުއްޓާލި ވަގުތާ ދިމާކޮށް އެހީގެ ޖަމާއަތްތަކުން މަސައްކަތް ހަލުވިކޮށްފައި ވަނިކޮށެވެ. އެކަމަކު އިޒްރޭލުގެ ހިސާރުގެ ސަބަބުން ބަނޑަށް ޖެހިފައިވާ ޣައްޒާއަށް އެކަށީގެންވާ ވަރާ ގާތަށް ވެސް އެހީގެ ސާމާނު އަދިވެސް ނުވެއްދޭ ކަމުގެ ކަންބޮޑުވުން އދ. އާއި އެެހީގެ ޖަމާއަތްތަކުން އަންނަނީ ފާޅުކުރަމުންނެވެ.
އައިސީޖޭގެ މި "އެޑްވައިޒަރީ އޮޕީނިއަން" އަކީ ގާނޫނީ ގޮތުން އެއަށް އަމަލުކުރުން ލާޒިމް ނިންމުމެއް ނޫން ނަމަވެސް އެ ކޯޓުން ބުނީ ގާނޫނީ އަދި އާންމު ހަމަތަކުގެ މަތިން ވެސް އިޒްރޭލަށް މި ކަމުގައި ބޮޑު ޒިންމާއެއް އޮންނާނެ ކަމަށް ގަބޫލުކުރާ ކަމަށެވެ.