ޣައްޒާއަށް ބޭރުގެ ނޫސްވެރި ނުވައްދާ މައްސަލަ އިޒްރޭލުގެ ސުޕްރީމް ކޯޓުގައި
މިހާރު
23 އޮކްޓޯބަރު 2025 | ބުރާސްފަތި | 6:37
ފަލަސްތީނުގެ ޣައްޒާއަށް ބޭރުގެ ނޫސްވެރިން ވަނުމުގެ ހުއްދަ ވަގުތުން ދިނުމަށް އިޒްރޭލުގެ ސުޕްރީމް ކޯޓަށް ހުށަހަޅާފައިވާ މައްސަލަ އަވަހަށް ނިންމައިދޭން، އިޒްރޭލާއި ފަލަސްތީނުގައި ހަރަކާތްތެރިވާ ބޭރުގެ ނޫސްވެރިންގެ ޖަމިއްޔާއެއް ކަމަށްވާ ފޮރިން ޕްރެސް އެސޯސިއޭޝަން (އެފްޕީއޭ) އިން ގޮވާލައިފި އެވެ.
އޮކްޓޫބަރު 2023 ގައި އިޒްރޭލުން ޣައްޒާއަށް ހަމަލާދޭން ފެށީންސުރެ ބޭރުގެ ނޫސްވެރިން ޣައްޒާއަށް ވަނުން އޮންނަނީ ހުއްޓުވައިފަ އެވެ. ހަމަލާތައް ފެށި އިރު ޣައްޒާގައި ތިބި މަދު އަދަދެއްގެ ނޫސްވެރިންނަށް ވެސް އެ މީހުންގެ މަސައްކަތް ކުރުމުގައި ބޮޑެތި ހުރަސްތައް އޮންނަނީ ކުރިމަތިކޮށްފަ އެވެ.
އެފްޕީއޭ އިން ވަނީ ޣައްޒާގައި ހަމަލާތައް ފެށުމާ އެކު އެކީހެން މި މައްސަލަ ކޯޓަށް ހުށަހަޅައިފަ އެވެ. މިއަދު މި މައްސަލައިގެ އަޑުއެހުމެއް ވަނީ ތާވަލްކޮށްފަ އެވެ.