އެއާލައިންތަކުގެ ސޭލްސް އޭޖެންޓުންނަށް 100 ޕަސެންޓް ދިވެހި ކުންފުނިތައް
މިހާރު
24 އޮކްޓޯބަރު 2025 | ހުކުރު | 9:02
ބޭރުގެ އެއާލައިންތަކުގެ ސޭލްސް އޭޖެންޓުންގެ ގޮތުގައި ރާއްޖޭގައި މަސައްކަތް ކުރެވޭނީ 100 ޕަސެންޓު ދިވެހި ކުންފުނިތަކަށް އެކަނި ކަމަށް ސަރުކާރުން ހަމަޖައްސައިފި އެވެ.
ސިވިލް އޭވިއޭޝަން އޮތޯރިޓީން އިއްޔެ އާންމުކުރި ގަވައިދުގައިވާ ގޮތުން، ޖެނެރަލް ސޭލްސް އޭޖެންޓު (ޖީއެސްއޭ) އާއި ކާގޯ ސޭލްސް އޭޖެންޓް (ސީއެސްއޭ) އާއި ޕެސެންޖާ ސޭލްސް އޭޖެންޓް (ޕީއެސްއޭ) އަށް ވެވޭނީ ދިވެހި ކުންފުނިތަކަށެވެ. އަދި އެ އޮތޯރިޓީން އެކަމުގެ ސެޓްފިކެޓް ދޭނީ އެކަން ބެލުމަށް ފަހުގައި ކަމަށް ވެސް ގަވައިދުގައިވެ އެވެ.
އާ ގަވައިދަށް އަމަލުކުރަން ފެށި އިރު، އޭގެ ކުރިން ބޭރުގެ ފަރާތްތަކަށް ދޫކޮށްފައިވާ ސެޓްފިކޭޝަން ހަމަވަންދެން އެ ފަރާތްތަކަށް ސޭލްސް އޭޖެންޓުންގެ ގޮތުގައި ހަރަކާތްތެރިވެވޭނެ ކަމަށް ވެސް އެ ގަވައިދުގައި ބަޔާންކޮށްފައި ވެ އެވެ.