އައްޑޫ ހުޅުދޫ އާއި މީދޫ އަދި ފޭދޫގައި ވަކި ކައުންސިލެއް އުފައްދަން ފެނޭތޯ ބެލުމަށް ނަގާ ވޯޓުގައި މިހާތަނަށް 72 ޕަސެންޓު ވެސް މީހުން ވޯޓުލާފައި ނުވާ ކަމަށް އިލެކްޝަންސް ކޮމިޝަން (އީސީ) އިން ބުނެފި އެވެ.

އީސީން އާންމުކުރި ތަފާސްހިސާބުތަކުގައިވާ ގޮތުން މިއަދުގެ ތިނެއް ޖެހުމާ ހަމައަށް މި ތިން ރަށުން ވޯޓު ލާފައި ވަނީ 3،410 މީހެކެވެ. އަދި 6،116 މީހަކު ވޯޓު ނުލާ ކަމަށާއި އެއީ ވޯޓުލުމުގެ ހައްގު ލިބިގެންވާ މީހުންގެ 64.39 ޕަސެންޓް ކަމަށް އީސީން ބުންޏެވެ.

އެ ތިން ރަށުގެ ތެރެއިން އެންމެ އާބާދީ ބޮޑު ފޭދޫގައި ބަހައްޓާފައި ހުރި ފޮށިތަކަށް މިހާތަނަށް ވޯޓުލާފައި ވަނީ 500 އެއްހާ މީހުން ކަމަށް އެ ސަރަހައްދުގައި ތިބި މީހުން ބުންޏެވެ. މާލޭގައި ބަހައްޓާފައިވާ ވޯޓު ފޮށިތަކަށް 3:20 ހާއިރަށް ވޯޓުލީ 1،200 އެއްހާ މީހުންނެވެ.

މައުޟޫޢުތަށް