އިއްޔެ އައްޑޫގައި ނެގި ހިޔާލު ހޯދުމުގެ ވޯޓުގައި އައްޑޫ ސިޓީ ކައުންސިލުން ވަކިވާން، ހުޅުދޫ އާއި މީދޫން ނިންމުމުން އެކަމުގެ އުފަލުގައި އެ ދެ ރަށުގައި މިރޭ ހަވާ އަރުވަން ނިންމައިފި އެވެ.

އައްޑޫގެ އެހެން ރަށްތަކާ ދުރުގައި އެއްފަސްގަނޑަކަށް އޮންނަ ހުޅުދޫ އާއި މީދޫގެ އިތުރުން، އެހެން ރަށްތަކާ އެއްކޮށް އޮންނަ ފޭދޫ، އައްޑޫ ކައުންސިލުން ވަކިވެ ކޮންމެ ރަށެއްގައި ވަކިން ކައުންސިލް އުފައްދަން ފެނޭތޯ ބަލަން އިއްޔެ ނެގި ވޯޓުގައި ހުޅުދު އާއި މީދޫން ނިންމީ ސިޓީ ކައުންސިލުން ވަކިވާށެވެ. ފޭދޫން ނިންމީ ވަކި ނުވާށެވެ.

މީދޫ ދާއިރާގެ މެމްބަރު އަބްދުއްރަހްމާން "މިހާރު" އަށް ވިދާޅުވީ ހަވާ އަރުވަނީ އޭނާ އާއި ހުޅުދޫ ދާއިރާގެ މެމްބަރު މުހައްމަދު ޝާހިދު ހުޅުމީދޫ ރައްޔިތުންނަށް ޝުކުރު އަދާކުރުމުގެ ގޮތުން މިރޭ ބާއްވަން ނިންމާފައިވާ ހާއްސަ އިވެންޓެއްގައި ކަމަށެވެ. ހަވާ އަރުވާނީ ދެ ރަށް ގުޅޭ ހިސާބުގަ އެވެ.

މައުޟޫޢުތަށް