ބުރު ސްޕޯޓްސްއާ ވާދަކޮށް އޮޑި އަލުން މޮޅުވުމުގެ ރޭހަށް!
މިހާރު
26 އޮކްޓޯބަރު 2025 | އާދިއްތަ | 7:48
ބުރު ސްޕޯޓްސްގެ މައްޗަށް 2-1 ގެ ނަތީޖާއަކުން ކާމިޔާބު ހޯދައި އޮޑި އަލުން މޮޅުވުމުގެ ރޭހަށް ވަދެއްޖެ އެވެ.
ދިރާގު ދިވެހި ޕްރިމިއާ ލީގުގައި މޮޅުވުމުގެ ޓްރެކުގައި ކުރިއަށްދަނިކޮށް، އޮޑި އަށް ހުރަސް އެޅީ މިދިޔަ ހަފުތާގައި އީގަލްސްއިންނެވެ. އީގަލްސް އާއި އޮޑީގެ މެޗު ނިމުނީ ލަނޑެއް ނުޖެހި އެވެ.
އަލުން މޮޅުވުމުގެ ރޭހަށް އެނބުރި އައި މެޗުގައި، ފުރަތަމަ ލީޑް ނެގީ ބުރުންނެވެ. މެޗުގެ 36 ވަނަ މިނެޓްގައި އެ ޓީމަށް ލަނޑު ޖަހައި ދިނީ މުހައްމަދު ނާއިމް އެވެ. އޭނާ ލަނޑު ޖެހީ އެ ޓީމުގެ އިބްރާހިމް އުސާމާ ހުސައިން މަޖީދު ނަގައި ދިން ހުރަސް ގޯލްގެ ތެރެއަށް ވައްދާލައިގެންނެވެ.