ހެލިކޮޕްޓަރު އޮޕަރޭޓް ކުރާނެ ބަޔަކު ހޯދަން އަލުން އިއުލާނުކުރަނީ
މިހާރު
27 އޮކްޓޯބަރު 2025 | ހޯމަ | 10:29
ރާއްޖޭގައި ހެލިކޮޕްޓަރު އޮޕަރޭޓް ކުރާނެ ބަޔަކު ހޯދަން ސަރުކާރުން ފުރަތަަމަ ކުރިއަށް ގެންދިޔަ ޕްރޮސެސް ހުއްޓާލައި އެ މަސައްކަތް ކުރާނެ އާ ބަޔަކު ހޯދަން އަލުން އިއުލާން ކުރަން ނިންމާފައިވާ ކަމަށް ޓްރާންސްޕޯޓް މިނިސްޓަރު މުހައްމަދު އަމީން މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ގަލޮޅު އުތުރު ދާއިރާގެ އެމްޑީޕީގެ މެންބަރު މުހައްމަދު އިބްރާހިމް (ކުޑޫ ކުރެއްވި ސުވާލަކަށް ޖަވާބު ދެއްވަމުން މިނިސްޓަރު ވިދާޅުވީ ހެލިކޮޕްޓަރު އޮޕަރޭޓް ކުރާނެ ބަޔަކު ހޯދަން ފުރަތަމަ ހުޅުވާލިއިރު، އެކަމަށް ޝައުގުވެރިކަން ފާޅުކުރި 36 ކުންފުނީގެ ތެރެއިން ޕްރޮޕޯސަލެއް ހުށަހެޅީ އެންމެ ފަރާތަކުން ކަމަށެވެ.
އެއީ އޭނާ ވިދާޅުވި ގޮތުގައި އެ އޮޕަރޭޝަނުގެ ތެރެއިން ދައުލަތަށް ހިލޭ ހޯދަން ހުށަހެޅި ހިދުމަތްތަކުގެ ބައި ބޮޑުކަމުން ވީ ގޮތެކެވެ.