ހުޅުމާލޭގައި އިމާރާތް ކޮށްފައިވާ ފްލެޓުތަކުގެ ތެރެއިން އަމާން އުދަރެސްގެ އިތުރު ތިން ޓަވަރަކަށް ކަރަންޓުގެ ހިދުމަތް ފޯރުކޮށްދީ، ފްލެޓްތައް މީހުންނާ ހަވާލުކުރުމުގެ ފަހުގެ ތައްޔާރީތައް ފަށައިފި އެވެ.

ހުޅުމާލޭ 2 ގައި އިމާރާތްކޮށްފައިވާ 4،000 ފްލެޓުގެ ތެރެއިން އެންމެ ފުރަތަމަ ތަޅުދަނޑި ހަވާލުކުރީ އަމާން އުދަރެސްގެ 14 ވަނަ ޓަވަރުން ފްލެޓު ލިބުނު މީހުންނަށެވެ. އެ އިމާރާތުގެ ފްލެޓުތަކަށް ފެނާއި ކަރަންޓުގެ ހިދުމަތްދީ މިދިޔަ ސެޕްޓެމްބަރު 28 ގައި ވަނީ މީހުންނާ އެ ތަންތަން ހަވާލުކުރަން ފަށައިފަ އެވެ. މިހާރު އެ ޓަވަރުގައި އާއިލާތައް ދިރިއުޅެމުން ވެސް އެބަ ދެ އެވެ.

ފްލެޓުތަކުގެ އެންމެ ފަހުގެ މައުލޫމާތު ހިއްސާކު ރައްވަމުން ފަހި ދިރިއުޅުން ކޯޕަރޭޝަން (އެފްޑީސީ) ގެ އޮފިޝަލަކު "މިހާރު" އަށް ވިދާޅުވީ އަމާން އުދަރެސްގެ 11، 12 އަދި 13 ވަނަ ޓަވަރަށް އިއްޔެގެ ނިޔަލަށް ކަރަންޓުގެ ހިދުމަތް ފޯރުކޮށްދީ ނިމިފައިވާ ކަމަށެވެ. އަދި ކުރިއަށް އޮތް ހަފުތާއެއްހާ ދުވަހުގެ ތެރޭގައި އެ ތިން ޓަވަރަށް ވެސް ފެނުގެ ހިދުމަތްދީ ނިންމާލެވޭނެ ކަމަށް ބެލެވޭ ކަމަށް އޮފިޝަލް ވިދާޅުވި އެވެ.

މައުޟޫޢުތަށް