ނޯޓިލަސް ފައުންޑޭޝަނުން ތިން ދާއިރާއެއްގެ ހަތަރު ސްކޮލަޝިޕަށް ފުރުސަތު ހުޅުވާލައިފި
މިހާރު
28 އޮކްޓޯބަރު 2025 | އަންގާރަ | 6:43
ތައުލީމާއި މީހުން ބިނާކުރުމުގެ މަސައްކަތަށް ހާއްސަވެފައިވާ ދަ ނޯޓިލަސް ފައުންޑޭޝަނުން މިއަހަރު ވެސް ސްކޮލަޝިޕްގެ ހަތަރު ފުރުސަތެއް ހުޅުވާލައިފި އެވެ.
ނޯޓިލަސް ފައުންޑޭޝަނުން ބުނި ގޮތުގައި މިއަހަރުގެ ހަތަރު ސްކޮލަޝިޕް ހާއްސަކޮށްފައި ވަނީ މެޑިސިން އާއި އެއާކްރާފްޓް އިންޖިނިއަރިން އަދި ކޮމާޝަލް ކުކަރީ ދާއިރާއަށެވެ. ސްކޮލަޝިޕް ފުރުސަތު ދޭން އެ ދާއިރާތައް އިހުތިޔާރުކުރީ އެއީ ރާއްޖޭގެ ދެމެހެއްޓެނިވި ތަރައްގީއަށް މުހިއްމު ދާއިރާތައް ކަަމަށް ވާތީ ކަމަށް އެ ފައުންޑޭޝަނުން ބުންޏެވެ.
ކިޔެވުުގެ ހުރިހާ ހަރަދެއް ނޯޓިލަސް ފައުންޑޭޝަނުން ދޭ އެ ސްކޮލަޝިޕް ޕްރޮގްރާމްތައް ޑިޒައިންކޮށްފައި ވާނީ އެ ފައުންޑޭޝަނުން ބުނި ގޮތުގައި ކުރިމަގުގެ ޕްރޮފެޝަނަލުންނަކީ އީޖާދީ އަދި ލީޑްކުރާ ބަޔަކަށް ހެދުމަށެވެ.