ކަޕޫރް އާއިލާއާ އެކު މި މަހު ކެއުމަކަށް
މިހާރު
1 ނޮވެމްބަރު 2025 | ހޮނިހިރު | 8:31
ބޮލީވުޑްގައި އެންމެ ނުފޫޒުގަދަ އާއިލާ ކަމަށްވާ ކަޕޫރް އާއިލާގެ މެމްބަރުންނާ އެކު ގެނެސްދޭނެ ނެޓްފްލިކްސްގެ ރިއަލިޓީ ސީރީޒް "ޑައިނިން ވިތު ދަ ކަޕޫރްސް" އިއްޔެ އިއުލާންކޮށްފި އެވެ.
ނެޓްފްލިކްސް އިން އެ ސީރީޒް އިއުލާންކޮށް ބުނީ މި މަހު 21 ގައި އެ ސީރީޒް ސްޓްރީމްކުރަން ފަށާނެ ކަމަށެވެ. އަދި ކަޕޫރް އާއިލާގެ ބައެއް މެމްބަރުން ފެންނަ، އެ ސީރީޒްގެ ފުރަތަމަ ޕޯސްޓަރު ވެސް ވަނީ އާންމުކޮށްފަ އެވެ.
ރިޕޯޓްތައް ބުނި ގޮތުގައި، އެ ސީރީޒްގައި ރަންދީރް ކަޕޫރާއި ނީތޫ ކަޕޫރާއި ރިމާ ކަޕޫރް ޖެއިން އާއި ރަންބީރް ކަޕޫރާއި ކަރީނާ ކަޕޫރާއި ކަރިޝްމާ ކަޕޫރާއި ސައިފް އަލީ ޚާން އާއި ރިދިމާ ކަޕޫރް ސަހާނީ އަދި އެ އާއިލާގެ އިތުރު ގިނަ މެމްބަރުން ފެންނާނެ އެވެ.