އީގަލްސް އަށް ފުރަތަމަ މޮޅު!
މިހާރު
2 ނޮވެމްބަރު 2025 | އާދިއްތަ | 10:25
ޓީސީ ސްޕޯޓްސްގެ މައްޗަށް 2-0 ގެ ނަތީޖާއަކުން ކާމިޔާބު ހޯދައި މި ސީޒަނުގައި އީގަލްސްއިން ފުރަތަމަ ފަހަރަށް މޮޅެއް ހޯދައިފި އެވެ.
ދިރާގު ދިވެހި ޕްރިމިއާ ލީގުގައި މިއަދު އީގަލްސްއިން ކުޅުނު މެޗަކީ މި ސީޒަނުގައި އެ ކްލަބްގެ ހަތްވަނަ މެޗެވެ. އެއީ ސީޒަން ހުޅުވުމުގެ ގޮތުން ކުޅުނު ޗެރިޓީ ޝީލްޑް މެޗު ވެސް ހިމަނައިގެންނެވެ.
ގައުމީ ފުޓްބޯޅަ ދަނޑުގައި މިއަދު ހަވީރު ކުޅުނު މެޗުގައި އީގަލްސްގެ ލަނޑުތައް ޖެހީ ތަޖުރިބާކާރު ފޯވާޑް އިސްމާއީލް އީސާ އާއި ޖަޕާނުގެ މިޑްފީލްޑަރު ކަޓްސުޔޯޝީ ކިމިޝީމާ އެވެ.