ޝަންގްރިއްލާ ރިސޯޓް ހުޅުވުމުގެ ތައްޔާރީތައް ރައީސް ބައްލަވާލައްވައިފި
މިހާރު
5 ނޮވެމްބަރު 2025 | ބުދަ | 9:23
ކޮވިޑް-19 ގެ ބަލިމަޑުކަމުގެ ދުވަސްވަރު ބަންދުކުރި ގޮތަށް މިހާތަނަށް ވެސް ނުހުޅުވާ އޮތް އައްޑޫގެ ޝަންގްރިއްލާ ވިލިނގިލި ރިސޯޓް އެންޑް ސްޕާ މިއަހަރު ނިމުމުގެ ކުރިން ހުޅުވުމަށް ތައްޔާރު ވަމުންދާތީ އެ މަސައްކަތްތައް ރައީސް ޑރ. މުހައްމަދު މުއިއްޒު މިއަދު ބައްލަވާލައްވައިފި އެވެ.
އައްޑޫއަށް ކުރައްވަމުން ގެންދަވާ ދަތުރުފުޅުގެ ތެރެއިން، ޝަންގްރިއްލާގެ މަސައްކަތްތައް ބައްލަވާލެއްވުމަށް އެ ރިސޯޓަށް ރައީސް ވަޑައިގަތީ ހަވީރު އެވެ. ރައީސް އޮފީހުން ބުނީ އެތަނަށް ރައީސް ވަޑައިގަތީ އައްޑޫގެ ފަތުރުވެރިކަން ކުރިއަރުވައި، އިގްތިސާދީ ހަރަކާތް ފުޅާކުރުމުގެ ފުރުސަތުތައް ބެއްލެވުމުގެ ގޮތުން ކަމަށެވެ.
ޝަންގްރިއްލާ ވިލިނގިލި ރިސޯޓް މިއަހަރު ނިމުމުގެ ކުރިން އަލުން ހުޅުވަން އެ ރިސޯޓް ހިންގާ އައްޑޫ އިންވެސްޓްމަންޓުން އެއްބަސްވެފައިވަނީ ސަރުކާރުން އެކުންފުންޏާއެކު ކުރި މަޝްވަރާތަކަށްފަހު އެވެ.