އާ ސްޓޭޑިއަމް ބިނާކޮށް، ސެންސީރޯ ބިމާހަމަކޮށްލަނީ
މިހާރު
6 ނޮވެމްބަރު 2025 | ބުރާސްފަތި | 10:47
އިޓަލީގެ މަޝްހޫރު ދެ ފުޓްބޯޅަ ކްލަބް ކަމަށްވާ އޭސީ މިލާނާއި، އިންޓަ މިލާނުން މިހާރު ބޭނުންކުރާ ސެންސީރޯ ސްޓޭޑިއަމް ގަނެ، އަމިއްލަ ސްޓޭޑިއަމެއް ބިނާކުރުމުގެ ފުރަތަމަ ފިޔަވަޅު އަޅައިފި އެވެ.
ދުނިޔޭގެ އެންމެ ތާރީހީ އެއް ސްޓޭޑިއަމް ކަމަށްވާ ސެންސީރޯގެ މިލްކުވެރިންނަކީ މިލާނުގެ ސިޓީ ކައުންސިލެވެ. ދެ ކްލަބުން ބޭނުންވީ އެ ސްޓޭޑިއަމް ގަތުމަށް ފަހު، އެތަން ތަޅާލައި، އެ ބިމުގައި އާ ސްޓޭޑިއަމެއް އަޅާށެވެ.
މިލާނާއި، އިންޓަ އިން އެ ސްޓޭޑިއަމާއި، އެ ބިން ގަތީ 197 މިލިއަން ޔޫރޯ އަށެވެ. އިއްޔެ ވަނީ އެ ކަމުގެ އެއްބަސްވުމުގައި ސޮއިކޮށްފަ އެވެ.