ދިވެހި އަމިއްލަ ކުންފުނިތަކާ މިއަދު ހަވާލުކުރި 206 ޕީއެސްއައިޕީ މަޝްރޫއުތަކުގެ ހަރަދުވާ ޖުމްލަ 2.7 ބިލިއަން ރުފިޔާގެ ތެރެއިން 997.38 މިލިއަން ރުފިޔާ އަކީ ބޯހިޔާވަހިކަމުގެ މަޝްރޫއުތަކަށް ހަރަދުވާ ފައިސާ ކަމަށް ފިނޭންސް މިނިސްޓްރީން ބުނެފި އެވެ.

ބާސެލޯ ނަސަންދުރާ މާލޭގައި ބޭއްވި ރަސްމިއްޔާތެއްގައި، ޕަބްލިކް ސެކްޓާ އިންވެސްޓްމަންޓް ޕްރޮގްރާމް (ޕީއެސްއައިޕީ) ގެ ދަށުން 206 މަޝްރޫއުގައި ދިވެހި އަމިއްލަ ކުންފުނިތަކާ ހަވާލުކުރި އެވެ.

ފިނޭންސް މިނިސްޓްރީން ބުނީ 2.7 ބިލިއަން ރުފިޔާގެ އެ ޕޯޓްފޯލިއޯގައި ހިމެނެނީ އަތޮޅުތަކުގައި ހިންގާ ބޯހިޔާވަހިކަމާއި ތައުލީމާއި ސިއްހަތާއި ކުނި މެނޭޖްކުރުމާއި ކުޅިވަރު ވަސީލަތްތައް ތަރައްގީކުރުމާއި ފުލުހުންގެ އިންފްރާސްޓްރަކްޗާ އާއި މިސްކިތްތަކުގެ މަޝްރޫއުތައް ކަމަށެވެ. އެ މަޝްރޫއުތަކަށް ފައިސާ ފޯރުކޮށްދޭނީ އިންވެސްޓާ- ފައިނޭންސް މޮޑެލްގެ ދަށުން ކަމަށް ވެސް އެ މިނިސްޓްރީން ބުންޏެވެ.

މައުޟޫޢުތަށް