ރާއްޖޭގައި ކޮޅުވެއްޓި އާއި ބާޖު އަދި ޓަގްތައް އޮޕަރޭޓް ކުރުމުގައި ހަރަކާތްތެރިވަނީ އެ މަސައްކަތުގެ ކެޕޭސިޓީ ނުވަތަ ޝަރުތު ހަމަނުވާ ކެޕްޓަނުން ކަން ފާހަގަކުރެވޭ ކަމަަށް ޓްރާންސްޕޯޓް މިނިސްޓްރީން މިއަދު ބުނެފި އެވެ.

އެކަމަކު، އެ މީހުންނާ މެދު ފިޔަވަޅު އަޅާނެ ކަމެއް ނުވަތަ ދެން އަމަލު ކުރާނެ ގޮތެއް އެ މިނިސްޓްރީން މިއަދު ނެރުނު އިއުލާނުގައި ނެތެވެ.

ކޮޅުވެއްޓި އާއި ބާޖާއި ޓަގް އޮޕަރޭޓް ކުރާ ކެޕްޓަނުންނާ ގުޅޭ ގޮތުން ކަންބޮޑުވުން ފާޅުކޮށް ޓްރާންސްޕޯޓް މިނިސްޓްރީން އިއުލާނެއް ނެރުނީ، މާލޭގެ ވިޔަފާރި ބަނދަރުގައި އޮތް އާގުބޯޓަކުން މި މަހުގެ ދެ ވަނަ ދުވަހު ބޭލި ދެ އެކްސްކަވޭޓަރެއް އެރުވި ކޮޅުވެއްޓިއެއް ބަންޑުންޖަހާލައި ދެ މީހަކު މަރުވި މައްސަލަ ހޫނުވެފައި ވަނިކޮށެވެ.

މައުޟޫޢުތަށް