ޔަސީން ފުލުފުލުން ތާރީހުގެ ތެރެއަށް، އުމުރުން 15 އަހަރުގައި ރާއްޖޭގެ ސާފިން ޗެމްޕިއަނަކަށް!
މިހާރު
8 ނޮވެމްބަރު 2025 | ހޮނިހިރު | 1:05
ރަންނަމާރި ޗެލެންޖް 1447ގެ އޯޕަން، ޖޫނިއާ އަދި ޖޫނިއާ ލީގު ޗެމްޕިއަނަކީ ވެސް ޔަސީން
މި އަހަރުގެ ގައުމީ ސާފް ލީގުގެ ރަންނަމާރި ޗެލެންޖުގެ އޯޕަން އަދި ޖޫނިއާ ބައިގެ ޗެމްޕިއަންކަމާ އެކު، ޖޫނިއާ ލީގު ޗެމްޕިއަންކަން ވެސް އުމުރުން 15 އަހަރުގެ ޔަސީން އަހުމަދު ނާޝިދު އިއްޔެ ހޯދައިފި އެވެ.
މިއީ ސާފިން އެސޯސިއޭޝަން (އެމްއެސްއޭ) ގެ މުބާރާތެއްގައި ޖޫނިއާ ސާފަރަކު އޯޕަން ބައިގެ ޗެމްޕިއަންކަން ހޯދި ފުރަތަމަ ފަހަރެވެ. އަދި މިއީ ޔަސީން ޖޫނިއާ ލީގު ކާމިޔާބު ކުރި ފުރަތަމަ ފަހަރެވެ. މި ތިން ކާމިޔާބީގެ އިތުރުން، ރަންނަމާރި ޗެލެންޖުގެ މަރުހަބާ ކަޕް ކާމިޔާބު ކުރި މާލޭ ޓީމުގައި ވެސް ޔަސީން ހިމެނެ އެވެ.