އަދުލުއިންސާފާއި ހަމަހަމަ ކަމަކީ ދިރިއުޅުމުގެ ހުރިހާ މައިދާނެއްގައި އަމަލީ ގޮތުން ތަންފީޒު ކުރަންޖެހޭ ކަމެކެވެ. އިގުތިސާދީ މައިދާނުގައި ވެސް އަދުލުވެރިވާން ޖެހެ އެވެ. މީގެ ތެރޭގައި އިގުތިސާދީ ފުރުސަތުތައް ލިބުމުގައި ވެސް ހަމަ މިފަދަ އެވެ. މިގޮތުން އިންސާފުން ބޭރުން ވަކި ބަޔަކަށް އެކަނި މިފަދަ ފުރުސަތުތައް ދިނުން އިސްލާމް ދީން ހުއްދައެއް ނުކުރެ އެވެ.

އަދުލު އިންސާފަކީ ކޮންމެ ފަރުދަކަށް ވެސް އެ މީހެއްގެ ހައްގު ކަށަވަރު ކުރުމަށާއި އަބުރުވެރި ދިރިއުޅުމެއް އުޅުމަށް އިސްލާމް ދީން ގެނެސްދޭ ޝާމިލު ނިޒާމުގެ އަސާސެކެވެ.

އަދުލުއިންސާފަކީ ކޮންމެ ކަމެއް ވެސް އޭގެ ހައްގު މަގާމުގައި ބޭއްވުމާއި ކޮންމެ މީހަކަށް ވެސް އެ މީހެއްގެ ހައްގު އުނި އިތުރެއް ނެތި ލިބުމެވެ. ހަމަހަމަ ކަމަކީ ޝަރީއަތާއި ގާނޫނުގެ ކުރިމަތީގައި އަދި އިގުތިސާދީ އިޖުތިމާއީ ސިޔާސީ ފަދަ ދާއިރާތަކުގެ ހައްގުތަކުގައި މީހެއްގެ ނަސަބަކަށް ކުލަޔަކަށް ދެރަނިކަމެތި ކަމަކަށް ފަދަ ކަމަކަށް ބެލުމެއް ނެތި އެއްވަރު ކުރުމެވެ.

މައުޟޫޢުތަށް