ހދ. ހިރިމަރަދޫގެ މީހުން އެހެން ރަށަކަށް ބަދަލުކުރަން ނިންމިޔަސް، އެ ރަށުގައި މީހުން ދިރިއުޅޭހާ ހިނދަކު ސަރުކާރުން އަސާސީ ހިދުމަތްތައް ގާއިމްކޮށްދޭނެ ކަމަށް ރައީސް އޮފީހުގެ ތަރުޖަމާނު ހީނާ ވަލީދު މިއަދު ވިދާޅުވެއްޖެ އެވެ.

ކުރިއަށް އޮތް ދޮޅު އަހަރުގެ ތެރޭގައި، ހިރިމަރަދޫއިން މީހުން ހުސްކޮށް، ހދ. ހަނިމާދޫއަށް ބަދަލުކުރާނެ ކަމަށް ރައީސް ޑރ. މުހައްމަދު މުއިއްޒު އިއުލާން ކުރައްވާފައި ވަނިކޮށް، ސަރުކާރުން ދާދިފަހުން ވަނީ ހިރިމަރަދޫގައި ކުނި މެނޭޖުކުރާ ސެންޓަރެއް އަޅަން ބަޔަކާ ހަވާލުކޮށްފަ އެވެ.

އެކި ރަށްރަށުގައި 206 ޕްރޮޖެކްޓެއް ހިންގަން ތިން ބިލިއަނެއްހާ ރުފިޔާގެ މަޝްރޫއު މިދިޔަ ބުރާސްފަތި ދުވަހު ހަވާލު ކުރިއިރު، ހިރިމަރަދޫގައި 4.1 މިލިއަން ރުފިޔާގެ އެ މަޝްރޫއު ހިންގަން ހަވާލުކުރީ ބިލްޑްޓެކް ކިޔާ ކުންފުންޏަކާ އެވެ.

މައުޟޫޢުތަށް