ރާއްޖެ އަންނަ ފަލަސްތީނުގެ ޓީމަށް އެހީވާން އެފްއޭއެމުން ސްވެނިއާ ޓިކެޓް ވިއްކަނީ!
މިހާރު
9 ނޮވެމްބަރު 2025 | އާދިއްތަ | 5:16
ޓްރޭނިން ކޭމްޕް ބާއްވަން މާދަމާ ރާއްޖެ އަންނަ ފަލަސްތީނުގެ ޒުވާން ގައުމީ ޓީމަށް އެހީވުމަށް ސްވެނިއާ ޓިކެޓް ވިއްކަން އެފްއޭއެމުން ނިންމައިފި އެވެ.
އޭއެފްސީ 17 އަހަރުންދަށުގެ އޭޝިއަން ކަޕް ކޮލިފައިންއަށް ތައްޔާރުވާން ރާއްޖޭގައި ޓްރޭނިން ކޭމްޕް ބާއްވައި ދިނުމަށް ފަލަސްތީނުގެ ފުޓްބޯޅަ އެސޯސިއޭޝަނުން އެފްއޭއެމްގެ ކިބައިން އެދިފައިވުމުން، ސަރުކާރުގެ ހަރަދުގައި އެ ޓިމުގެ ޓްރޭނިން ކޭމްޕް ރާއްޖޭގައި ބާއްވަން ވަނީ ނިންމައިފަ އެވެ.
މާދަމާ ރާއްޖެ އައިސް މި މަހުގެ 19 ވަނަ ދުވަހާ ހަމައަށް ފަލަސްތީނުގެ ޓީމު ރާއްޖޭގައި ހޭދަކުރާނެ އެވެ. އެ މުއްދަތުގައި ރާއްޖޭގެ 17 އަހަރުންދަށުގެ ގައުމީ ޓީމާ ދެކޮޅަށް އެކުވެރިކަމުގެ ދެ މެޗު ފަލަސްތީނުގެ ޓީމުން ކުޅޭނެ އެވެ.