އިންޑޮނީޝިއާގެ ގައުމީ ބަތަލުންގެ ލިސްޓަށް ކުރީގެ ރައީސް ސުހާޓޯ
މިހާރު
10 ނޮވެމްބަރު 2025 | ހޯމަ | 7:21
އިންޑޮނީޝިއާގެ ކުރީގެ ރައީސް ސުހާޓޯ އެ ގައުމުގެ، ގައުމީ ބަތަލުންގެ ލިސްޓުގައި ހިމަނައި ރަސްމީކޮށް އިއުލާނުކޮށްފި އެވެ.
ޑިކްޓޭޓަރެއްގެ ގޮތުގައި ގިނަ ބަޔަކު ސިފަކުރާ، ކުރީގެ އަސްކަރީ ލީޑަރަށް މި ލަގަބު އަރުވަން ނިންމައި އިއުލާނުކުރީ، ހައްގުތަކަށް ވަކާލާތުކުރާ މީހުންނާއި އިލްމީ އެތައް ބަޔަކު އެކަމާ ދެކޮޅަށް އަޑު އުފުލަމުން ދަނިކޮށް، ގައުމީ ބަތަލުންގެ ދުވަހުގެ ހާއްސަ ރަސްމިއްޔާތުގަ އެވެ.
ސުހާޓޯގެ ދަރިކަނބަލަކާ ކައިވެނި ބައްލަވައިގެން އުޅުއްވާ މިހާރުގެ ރައީސް ޕްރަބޯވޯ ސުބިއާންޓޯ ވަނީ ސުހާޓޯގެ އިތުރުން އަލަށް ނުވަ ބޭފުޅަކު، ގައުމީ ބަތަލުންގެ ލިސްޓުގައި އަލަށް ހިމަނުއްވައި ރިޔާސީ ގަރާރެއް ނެރުއްވައިފަ އެވެ.