ހަނިމާދޫ އެއާޕޯޓާ އެކު އިގްތިސާދު ފުޅާކުރަންޖެހޭ: އިބޫ
މިހާރު
10 ނޮވެމްބަރު 2025 | ހޯމަ | 2:38
ހދ. ހަނިމާދޫ އިންޓަނޭޝަނަލް އެއާޕޯޓް، ހަމައެކަނި ތަރައްގީކުރުމަކުން ނުވާނެ ކަމަށާއި އެ ސަރަހައްދުގެ އިގުތިސާދު ފުޅާކުރަންޖެހޭ ކަމަށް، ކުރީގެ ރައީސް އިބްރާހިިމް ސޯލިހު (އިބޫ) މިއަދު ވިދާޅުވެއްޖެ އެވެ.
އެ މަނިކުފާނުގެ ވެރިކަމުގައި އިންޑިއާގެ ލައިން އޮފް ކްރެޑިޓުގެ ދަށުން 136 މިލިއަން ޑޮލަރު (ދެ ބިލިއަން ރުފިޔާ) ހަރަދުކޮށްގެން ފެއްޓެވި ބޮޑު މަޝްރޫއު ނިންމުމަށް ފަހު ރޭ ބޭއްވި ރަސްމިއްޔާތެއްގައި ވަނީ އެތަން ހުޅުވައިފަ އެވެ.
އެކަމާ ގުޅިގެން، އިބޫ ސޯޝަލް މީޑިއާގައި ކުރެއްވި ޕޯސްޓުގައި ވިދާޅުވީ އެ އެއާޕޯޓަކީ ބޮޑުތިލަދުންމަތީގެ އިގްތިސާދީ ދުވެލި ހަލުވި ކުރުމަށް މަގުފަހިވާނެ ތަނެއް ކަމަށެވެ.