ފުވައްމުލަކުގެ ސަޕްލައި ފެން ވަނީ އިންސާނުން ބޭނުންކުރަން ރައްކާތެރި ނޫން މިންވަރަށް ތަޣައްޔަރުވެފައި ކަމަށާއި އެ މައްސަލަ ހައްލުކުރަން ދެތިން ދުވަސް ވާނެ ކަމަށް، ފުވައްމުލަކު ސިޓީ ކައުންސިލުން މިއަދު ބުނެފި އެވެ.

އާބާދީ 13،800 އަށް ވުރެ ބޮޑު ސިޓީގައި ފެނުގެ ނެޓްވޯކަށް ދިމާވި މައްސަލަ ހައްލުކުރަން އިއްޔެ މެންދުރު 1:00 ހާއިރު ވަނީ ފެން ކަނޑާލައިފަ އެވެ.

އެކަމާ ގުޅިގެން ފުވައްމުލަކުގެ ޑެޕިއުޓީ މޭޔަރު މުހައްމަދު ފިކުރީ ވިދާޅުވީ، ސަޕްލައި ފެނަށް މައްސަލަ ދިމާވެގެން އުޅޭތާ އެތައް ދުވަހެއް ވެއްޖެ ކަމަށެވެ. ނަމަވެސް، ފެނަކައިން އިސްވެ އެކަން ހައްލުކުރަން މަސައްކަތެއް ކޮށްފައިނުވާ ކަމަށް ފިކުރީ ވިދާޅުވި އެވެ.

މައުޟޫޢުތަށް