އުރުދުޣާންގެ ވާދަވެރިޔާއަށް 2،430 އަހަރުގެ ޖަލު ހުކުމް އަންނަ ވަރުގެ ދައުވާތަކެއް
މިހާރު
12 ނޮވެމްބަރު 2025 | ބުދަ | 7:02
ތުރުކީގެ ރައީސް ރަޖަބް ތައްޔިބް އުރުދުޣާންގެ ސިޔާސީ ވާދަވެރިޔާ، އިސްތަންބޫލްގެ މޭޔަރު އެކްރަމް އިމަމޮގްލޫގެ މައްޗަށް އެ ގައުމުގެ ޕްރޮސިކިއުޓާރުން 142 ދައުވާއެއް އުފުލައިފި އެވެ.
ކޯޓަށް ހުށަހެޅި ލިޔުންތަކުން ހާމަވެފައިވާ ގޮތުގައި މި ދައުވާތަކުގެ ޖުމްލަ ޖަލު އަދަބު 2،430 އަހަރަށް އަރަ އެވެ.
އިމަމޮގްލޫ ބެލެވިފައިވަނީ ވޯޓެއްގައި އުރުދުޣާން ބަލިކުރެވޭ ވަރުގެ ސަޕޯޓެއް އޮތް ހަމައެކަނި ސިޔާސީ ލީޑަރުގެ ގޮތުގަ އެވެ. އެކި ތުހުމަތުތަކާ އެކު އިމަމޮގްލޫ މިދިޔަ މާޗް މަހު ހައްޔަރުކުރުމާ އެކު ތުރުކީގައި ބޮޑެތި މުޒާހާރަތައް ކޮށްފައި ވާއިރު އެއީ 2013 ވަނަ އަހަރަށް ފަހު އެ ގައުމުގައި ހިނގި އެންމެ ބޮޑު ހަމަނުޖެހުމެވެ.