މަކަރާއި ހީލަތުގެ މައްސަލައެއްގައި ލަންކާގެ ކުރީގެ ޓޫރިޒަމް މިނިސްޓަރު ހައްޔަރުކޮށްފި
މިހާރު
13 ނޮވެމްބަރު 2025 | ބުރާސްފަތި | 5:56
ސްރީ ލަންކާގެ އިގްތިސާދީ ކާރިސާގެ ކުރީކޮޅު، އިންޝުއަރެންސަށް މަކަރު ހެދި ކަމުގެ ތުހުމަތުގައި ކުރީގެ ޓޫރިޒަމް މިނިސްޓަރު ޕްރަސަންނާ ރަނަތުންގާ އިއްޔެ ހައްޔަރުކޮށްފި އެވެ.
ރަނަތުންގާ އަކީ 2022 ވަނަ އަހަރުގެ ޖުލައި މަހު އިގްތިސާދީ މައްސަލަތަކާ ދެކޮޅަށް ކުރި މުޒާހަރާތަކުގައި ލަންކާގެ ވެރިކަމުން ދުރުކުރި ގޯޓާބަޔާ ރާޖަޕަކްސަގެ ސަރުކާރުގެ އިސް ބޭފުޅެކެވެ.
ރަނަތުންގާގެ މައްޗަށް މީގެ ކުރިން ވަނީ މަގާމުގެ ނުފޫޒު ބޭނުންކޮށް ބިރު ދައްކައިގެން ނާޖާއިޒު މަންފާ ހޯދިކަމުގެ ކުށް ވެސް ސާބިތުވެފަ އެވެ. މިފަހަރު ތުހުމަތުކޮށްފައިވަނީ ދައުލަތުގެ އިންޝުއަރެންސް ކުންފުންޏަކަށް 2021 ވަނަ އަހަރު ތެރޭ މަކަރު ހެދި ކަމަށެވެ.