އެމެރިކާ ސަރުކާރުގެ "ރެކޯޑް ބަންދު" ނިމުމަކަށް
މިހާރު
13 ނޮވެމްބަރު 2025 | ބުރާސްފަތި | 10:11
އެމެރިކާގެ ސިއްހީ ހިދުމަތަށް ކަނޑައަޅާނެ ފައިސާގެ މައްސަލައިގައި ޑިމޮކްރެޓިކް ޕާޓީގެ މެންބަރުންނާއި ރައީސް ޑޮނަލްޑް ޓްރަމްޕާ ދެމެދު އެއްގަލަކަށް ނޭރި ބަޖެޓް ފާސްނުކުރެވުމުން އެމެރިކާ ސަރުކާރު ހުއްޓުމަކަށް އައިސް "ބަންދު" ކުރިތާ 43 ދުވަސް ފަހުން މިއަދު އަލުން މަސައްކަތް ފަށައިފި އެވެ.
ބަޖެޓުން ހޭދަތައް މެދުކަނޑާލައި ސަރުކާރު ހުއްޓުމަކަށް އައުމާ އެކު ސަރުކާރުގެ އެތައް ހާސް މުވައްޒަފުންނަކަށް އުޖޫރަ ނުދެވި މަސައްކަތްތައް ވެސް ހުއްޓާލަން ޖެހުނެވެ. މި ހުރިހާ ކަމެއްގެ ޒިންމާ ދެ ޕާޓީން އެއްބަޔަކު އަނެއް ބައެއްގެ ބޮލުގައި ގެންދަނީ އަޅުވަމުންނެވެ.
ރިޕަބްލިކަން ޕާޓީގެ ގިނަ މެންބަރުން ޕާޓީގެ ވިސްނުމާ އެއްގޮތަށް، ފެޑެރަލް ޑިޕާޓްމަންޓްތަކާއި އެޖެންސީތައް ހުޅުވުމަށް ބޭނުންވާ ޕެކޭޖް ފާސްކުރުމަށް ވޯޓު ދެއްވި އިރު ޑިމޮކްރެޓުންގެ ގިނަ މެންބަރުން ވަނީ މިއީ ޕާޓީގެ ލީޑަރުން ބޭނުންވާ ކޮންމެ ގޮތަކަށް ރުހިގެން ދިން ވޯޓެއް ކަމަށް ބުނެ ފާޑު ކިޔައިފަ އެވެ.