ހިތުގެ 3،900 ސާޖަރީއަކަށް ފަންޑު ހޯދައި އިންޑިއާގެ ލަވަކިޔުންތެރިޔަކަށް ދުނިޔޭގެ ރެކޯޑެއް
މިހާރު
15 ނޮވެމްބަރު 2025 | ހޮނިހިރު | 6:16
ހިތުގެ 3،900 އަށް ވުރެ ގިނަ ސާޖަރީއަށް ފަންޑު ހޯދައި އިންޑިއާގެ ލަވަކިޔުންތެރިޔާ ޕަލަކް މުއްޗަލް ދުނިޔޭގެ ރެކޯޑް ފޮތުން ޖާގަ ހޯދައިފި އެވެ.
ޕަލަކް އަމިއްލަ ޗެރިޓީ ފަންޑް "ޕަލަކް ޕަލަޝް ޗެރިޓެބަލް ފައުންޑޭޝަން" މެދުވެރިކޮށް އޭނާ ވަނީ 3،947 ހިތުގެ ސާޖަރީއަކަށް ފަންޑު ހޯދައިފަ އެވެ. އެއީ އިންޑިއާގެ އެކި ހިސާބުތަކުގައި ޔަތީމު ހާލުގައި އުޅޭ ކުދިންގެ ހިތުގެ ސާޖަރީތަކަށެވެ.
ޕަލަކް ހިންދުސްތާން ޓައިމްސްއަށް ބުނީ އޭނާގެ އެ މަސައްކަތުގެ އަގުވަޒަންކޮށް "ގިނިސް ބުކް އޮފް ވޯލްޑް ރެކޯޑްސް" އިން އޭނާއަށް ދުނިޔޭގެ ރެކޯޑުގެ ޝަރަފު ދީފައިވާ ކަމަށާއި އެކަމާ ވަރަށް ފަހުރުވެރިވާ ކަމަށެވެ.