ގައުމެއް ބިނާކުރުމުގެ އަސްލަކީ އަންހެނުން: ފަސްޓް ލޭޑީ
މިހާރު
16 ނޮވެމްބަރު 2025 | އާދިއްތަ | 6:38
ގައުމެއް ބިނާކުރުމުގެ އަސްލަކީ އަންހެނުން ކަމަށް ރައީސް ޑރ. މުހައްމަދު މުއިއްޒުގެ އަނބިކަނބަލުން ފަސްޓް ލޭޑީ ސާޖިދާ މުހައްމަދު ރޭ ވިދާޅުވެއްޖެ އެވެ.
ތަފާތު އެކި ދާއިރާތަކުން ފާހަގަކޮށްލެވޭ އަންހެނުންނަށް ހާއްސަ ކޮށްފައިވާ ރެހެންދި އެވޯޑު ދިނުމަށް ބޭއްވި ރަސްމިއްޔާތު ޝަރަފުވެރި ކޮށްދެއްވައި ވާހަކަ ދައްކަވަމުން ފަސްޓް ލޭޑީ ވިދާޅުވީ އުންމަތެއް ނުވަތަ ގައުމެއް ދިރިގެން އައުމުގެ އަސްލަކީ ވެސް އަންހެނުން ކަމަށެވެ.
އެކަމަނާ ވިދާޅުވީ އިސްލާމް ދީނުގައި އަންހެނުން ބާރުވެރިކުރުމުގައި އެ މީހުންނަށް ދީފައިވާ މަތިވެރި މަގާމު ހަނދާން ކުރަންޖެހޭ ކަމަށެވެ. އަންހެނަކަށް ވިއަސް ވިޔަފާރީގައި އަދި މުދާ ބެހުމުގައި ވިއަސް ތަފާތެއް ނެތް ކަމަށާއި އެންމެ ހެޔޮ ގެއަކީ، އެ ގެއެއްގައި އަންހެނުންނަށް އިހުތިތާމް ކުރާ ގެ ކަމަށް ފަސްޓް ލޭޑީ ވިދާޅުވި އެވެ.