މީޑިއާ ކޮމިޝަންގެ އެސްޖީއަކަށް ޕީސީބީގެ ކުރީގެ ރައީސް ހަމްދީ އައްޔަންކޮށްފި
މިހާރު
16 ނޮވެމްބަރު 2025 | އާދިއްތަ | 12:41
މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަން (އެމްއެމްބީސީ) ގެ ސެކްރެޓަރީ ޖެނެރަލް ކަމުގެ މަގާމަށް ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) ގެ ކުރީގެ ރައީސް ހަމްދީ އަގީލް މިއަދު އައްޔަންކޮށްފި އެވެ.
އެމްއެމްބީސީން ސޯޝަލް މީޑިއާގައި ކުރި ޕޯސްޓެއްގައި ވަނީ ސިވިލް ސާވިސް ކޮމިޝަން (ސީއެސްސީ) އިން އެ ކޮމިޝަނުގެ އެސްޖީ ކަމަށް ހަމްދީ އައްޔަންކުރިކަން އިއުލާންކޮށްފަ އެވެ.
ދައުލަތުގެ ވިޔަފާރިތައް ޕްރައިވެޓައިޒް ކުރުމާއި ކޯޕަރަޓައިޒް ކުރުމާއި މޮނިޓަކޮށް، އިވެލުއޭޓް ކުރުމުގެ ގާނޫނުގެ ދަށުން އުފައްދާފައިވާ ޕީސީބީގެ ބޯޑުގެ ރައީސްގެ މަގާމުން ހަމްދީ ވަކިކުރެއްވީ މިދިޔަ ފެބްރުއަރީ މަހު އެވެ. ޕީސީބީގެ ރައީސަކަށް ހަމްދީ އައްޔަންކުރެއްވީ ނޮވެމްބަރު 22، 2023 ގަ އެވެ.