އުމްރާއަށް ގޮސް އުޅެނިކޮށް އެކްސިޑެންޓުވެ މަރުވި އިންޑިއާގެ 42 މީހުންގެ ތެރޭގައި އެއް އާއިލާއެއްގެ 18 މީހުން ހިމެނޭ ކަމަށާއި އޭގެ ތެރޭގައި ނުވަ ކުޑަކުދިން ވެސް ހިމެނޭ ކަމަށް އެންޑީޓީވީން އެ އާއިލާއާ ހަވާލާދީ ބުނެފަ އެވެ.

"އަހަރެންގެ ފަހަރި އާއި ޅިޔަނާއި އެ މީހުންގެ ފިރިހެން ދަރިފުޅު އުމްރާއަށް ދިޔަ. އެ މީހުން ފުރީ މީގެ އަށް ދުވަސް ކުރިން. [އެކްސިޑެންޓުވީ] އެ މީހުން އުމްރާގެ އަޅުކަން ފުރިހަމަކުރުމަށް ފަހު އެނބުރި މަދީނާއަށް ދަނިކޮށް،" އާއިލާގެ މެންބަރެއް ކަމަށްވާ މުހައްމަދު އާސިފް އެންޑީޓީވީއަށް ބުންޏެވެ.

އޭނާ ބުނީ ބަސް އެކްސިޑެންޓުވީ މެންދަމުން އަލިވެ 1:30 ހާއިރު ކަމަށާއި ތެޔޮ ޓޭންކަރެއްގައި ޖެހުމާ އެކު ބަހުގައި އަލިފާން ރޯވީ ކަމަށެވެ.

މައުޟޫޢުތަށް