ބަޖެޓްގެ ފުރަތަމަ ބަހުސް މަރުހަލާ ނިންމާލައިފި
މިހާރު
18 ނޮވެމްބަރު 2025 | އަންގާރަ | 7:25
އަންނަ އަހަރަށް ލަފާކުރާ ބަޖެޓްގެ ފުރަތަމަ ބަހުސް މަރުހަލާ ރައްޔިތުންގެ މަޖިލީހުން ނިންމާލައިފި އެވެ.
އަންނަ އަހަރަށް ލަފާކޮށް ފިނޭންސް މިނިސްޓްރީން ހުށަހަޅާފައިވަނީ 64.2 ބިލިއަން ރުފިޔާގެ ބަޖެޓެކެވެ. މަޖިލީހުން ބަޖެޓުގެ ބަހުސް ފެށީ މިދިޔަ ހަފްތާގަ އެވެ. އެ ބަޖެޓަށް ބަހުސްކުރަން މަޖިލީހުގެ ކޮންމެ މެމްބަރަކަށް ގިނަވެގެން 15 މިނެޓުގެ ވަގުތެއް ކަނޑައަޅާފައިވެ އެވެ.
ބަޖެޓްގެ ފުރަތަމަ ބަހުސް މަރުހަލާ މިއަދު ނިންމާލިއިރު، ބައެއް މެންބަރުން ވަނީ ހަރަދު ކުރުމުގައި ގެންގުޅޭ ގޮތްތައް ބަދަލުކުރަން ޖެހޭކަން ފާހަގަ ކުރައްވައިފަ އެވެ. އަދި އަންނަ އަހަރު ކުރަން ނިންމާފައިވާ ބައެއް ހަރަދުތަކުން އިގްތިސާދަށް ކުރިމަތިވެދާނެ ލޮޅުންތަކަށް ވިސްނައިގެން ކަންކަން ކުރުމަށް ގޮވާލާފައިވެ އެވެ.