ވަކި ވަޒީފާތަކަކަށް ފްލެޓް ހާއްސަކުރުން އިންސާފުވެރި ގޮތަކަށް ވާނެ؟
މިހާރު
20 ނޮވެމްބަރު 2025 | ބުރާސްފަތި | 9:34
މިނިސްޓަރު ވިދާޅުވީ، ހާއްސަކުރާ ފްލެޓުތަކަށް ކުރިމަތިލާ މީހުންގެ ޝަރުތު ވެސް އިއުލާންކުރި އުސޫލުތަކަށް ފެތެން ޖެހޭނެ ކަމަށް
މާލޭ ސަރަހައްދުން ފްލެޓާއި ގޯތި ދޫކުރުމުގެ އުސޫލު ސަރުކާރުން މި ހަފުތާގައި އާންމުކުރުމާ އެކު، އެންމެ ގިނަ ބަޔަކު ކަންބޮޑުވި އެއް ކަމަކީ ކުރިން ވެސް އަމަލުކުރާ އުސޫލުގެ ތެރެއިން ވަކި އިދާރާއެއްގައި މަސައްކަތް ކުރާތީ ފްލެޓުތައް ހައްގުވާ ގޮތަށް ކަނޑައެޅުމެވެ. ގިނަ ބަޔަކު އުފެއްދި ސުވާލަކީ "އަހަރެން ފެތޭ ކެޓަގަރީއަކީ ކޮބައި ހެއްޔެވެ"؟ މި ބަހުސް އެކިއެކި ޕްލެޓްފޯމުތަކުގައި ކުރަމުންދާއިރު، ސުވާލަކީ ވަކި ބަޔަކަށް ފްލެޓް ހާއްސަ އުސޫލަކުން ދިނުމަކީ އެންމެ އިންސާފުވެރި ގޮތް ބާވަ އެވެ.
މި ސަރުކާރުން ކަނޑައެޅި "ބޯހިޔާވަހިކަން އެންމެންނަށް" ސިޔާސަތު އިފުތިތާހުކޮށް 7،500 ފްލެޓު ދޫކުރަން ވަނީ ހިމަނައިފަ އެވެ. އޭގެ ތެރެއިން ވަކި އަދަދެއް ދައުލަތުގެ އިދާރާތަކަށް ކޮންމެ ބުރެއްގައި ހާއްސަ ކުރާ ނަމަ ބޯހިޔާވަހިކަން އެންމެ ބޭނުންވާ މީހުން ލިސްޓުގެ ފަހަތަށް ދިއުމުގެ ފުރުސަތު އެބައޮތެވެ.