ޑްރަގްގައި ޖެހި، ސަލާން ޖަހަން އުޅުނު މީހުންނަށް ފަރުވާ ދެނީ
މިހާރު
19 ނޮވެމްބަރު 2025 | ބުދަ | 2:57
ޑްރަގްގެ ވަބާގައި ޖެހި، މަގުމަތީގައި ސަލާން ޖަހަން އުޅުނު 350 އެއްހާ މީހުންނަށް ހުޅުމާލޭގައި ހުންނަ ހާފްވޭ ހައުސްގައި ހުންނަ ޑްރަގް ރިމާންޑް ސެންޓަރުގައި ފަރުވާ ދެމުންދާ ކަމަށް ހޯމް މިނިސްޓަރު އަލީ އިހްސާން ވިދާޅުވެއްޖެ އެވެ.
ސަރުކާރަށް ދެ އަހަރު ފުރުމާ ގުޅިގެން ދައުލަތުގެ މީޑިއާއަށް ދެއްވި އިންޓަވިއެއްގައި އިހުސާން ވިދާޅުވީ ޑްރަގާއި ގޭންގް ކުށްތައް ހުއްޓުވުމާއި ބިދޭސީންގެ މައްސަލަ ހައްލު ކުރުމަކީ އެ މިނިސްޓްރީން މުހިއްމު އިސްކަމެއް ދީގެން ކުރަމުންދާ މަސައްކަތެއް ކަމަށެވެ.
މިނިސްޓަރު ވިދާޅުވީ ޒުވާނުންގެ ބޮޑު އާބާދީއެއް ޑްރަގްގެ ވަބާގައި ޖެހިފައި ވާއިރު، މި ސަރުކާރު ވެރިކަމަށް އައިއިރު ޑްރަގް ކޯޓުން ހުކުމްކޮށް، ފަރުވާއަށް ނުގެންދެވި 700 މީހުން ތިބި ކަމަށެވެ. އަދި ހާއްސަ އޮޕަރޭޝަނެއްގެ ތެރެއިން އެ އެންމެންނަށް ފަރުވާ ދެމުންދާ ކަމަށް އޭނާ ވިދާޅުވި އެވެ.