ހައި ކޯޓުގެ ފަސް ފަނޑިޔާރެއްގެ ސުލޫކީ މައްސަލަ ބަލަނީ
މިހާރު
20 ނޮވެމްބަރު 2025 | ބުރާސްފަތި | 8:37
ހައި ކޯޓުގެ ފަސް ފަނޑިޔާރެއްގެ މައްސަލަ ޖުޑީޝަލް ސާވިސް ކޮމިޝަން (ޖޭއެސްސީ) އިން ބަލަން ފަށައިފި އެވެ.
ހައި ކޯޓުގެ 11 ފަނޑިޔާރުންގެ ތެރެއިން ފަސް ފަނޑިޔާރެއްގެ މައްސަލަ އެއްފަހަރާ ބަލަމުން ދާއިރު، އޭގެ ތެރޭގައި ހައި ކޯޓުގައި އެންމެ ގިނަ ދުވަސްވީ ފަނޑިޔާރު ކަމަށްވާ ފަނޑިޔާރު މުހައްމަދު ނިޔާޒުގެ މައްސަލަ ވެސް ހިމެނެ އެވެ.
ފަނޑިޔާރު ނިޔާޒުގެ ފަސް މައްސަލައެއް ޖޭއެސްސީން ބަލަމުން ދާއިރު، އޭނާ މިހާރު ވަނީ ފަނޑިޔާރު ކަމުގެ މަގާމުން ރިޓަޔާވުމަށް ހުށަހަޅުއްވައިފަ އެވެ. އަދި އޭނާއަށް ރިޓަޔާމެންޓްގެ ފުރުސަތު ދެއްވުމަށް ޖޭއެސްސީން މިހާރު ވަނީ ނިންމައިފަ އެވެ.