ބިދޭސީންގެ ހައްގުތައް ކަށަވަރުކުރަން ކުރާ މަސައްކަތް ފުޅާކުރާނަން: އުޝާމް
މިހާރު
21 ނޮވެމްބަރު 2025 | ހުކުރު | 9:31
ބިދޭސީންގެ ހައްގުތައް ކަށަވަރު ކުރުމަށް ކުރާ މަސައްކަތް ފުޅާކުރާނެ ކަމަށް ބަންޑާރަ ނައިބު އަހުމަދު އުޝާމް ވިދާޅުވެއްޖެ އެވެ.
ބަންޑާރަނައިބުގެ އޮފީހުން ބުނީ 2022 ވަނަ އަހަރު ރާއްޖެ އިން ހުށަހެޅި 13-15 ވަނަ ޕީރިއޮޑިކް ރިޕޯޓު، ޖެނީވާގައި އޮތް އދ. ގެ ކޮމެޓީ އޮން ދި އެލިމިނޭޝަން އޮފް ނޭޝަނަލް ޑިސްކްރިމިނޭޝަން ކޮމިޓީ އަށް ރިވިއުކުރަން ރާއްޖޭގެ ސެޝަންތައް އިއްޔެ އާއި އޭގެ ކުރީ ދުވަހު ބާއްވާފައިވާ ކަމަށެވެ.
އެ ސެޝަން ފެށުމަށް، މިދިޔަ އަންގާރަ ދުވަހު ބައްދަލުވުމުގައި އުޝާމް ވިދާޅުވީ އެ މުއާހަދާގައި ބަޔާންކުރާ ކަންކަން ކަށަވަރު ކުރުމަކީ ރާއްޖޭގެ ގާނޫނީ ޒިންމާއަކަށް ވުމުގެ އިތުރުން ގާނޫނުއަސާސީން ކަށަވަރު ކޮށްދޭ ހަމަހަމަކަމާއި ތަފާތު ނުކުރުމުގެ އަސާސްތަކާ ގުޅިފައިވާ ކަމެއް ކަމަށެވެ.