ކުޅުދުއްފުށި ޕޯޓަށް ސީދާ ޓުޓިކޮރިން އިން މުދާ ގެންދަން ފަށައިފި
މިހާރު
21 ނޮވެމްބަރު 2025 | ހުކުރު | 11:14
އިންޑިއާގެ ޓުޓިކޮރިން އިން ހދ. ކުޅުދުއްފުއްޓަށް ދާއިމީ ގޮތެއްގައި މުދާ ގެންދިއުމަށް އެމްޕީއެލް އިން ކުރާ މަސައްކަތްތަކުގެ ދަށުން، މުދާ ހިފައިގެން އައި ފުރަތަމަ ބޯޓު ކުޅުދުއްފުށި ޕޯޓަށް މިއަދު ބަނދަރުކޮށްފި އެވެ.
އެމްޕީއެލުން މިރޭ ބުނީ، ކުޅުދުއްފުށި ބަނދަރަށް މިއަދު ބަނދަރުކުރީ ޓުޓިކޮރިން އިން 127 ޓަނުގެ މުދާ ބަރުކޮށްގެން އައި "ވީބީ ޕްރޮގްރެސް" ބޯޓު ކަމަށެވެ.
އެ ބޯޓުން އެ ސިޓީ އަށް ގެންދިޔައީ ދައުލަތުގެ ވިޔަފާރި ކުންފުނި އެސްޓީއޯގެ ކޮންސްޓްރަކްޝަން މެޓީރިއަލްސް އަދި އަމިއްލަ ވިޔަފާރިއެއްގެ ޕެރިޝަބަލް ކާގޯ ކަމަށް އެމްޕީއެލުން ބުންޏެވެ.