އުޅެން ޖެހުނު ދަތި ހާލުގެ ސަބަބުން ސްކޫލު ވެސް ނުނިމެނީސް މަންމައާ އެކު ހެދިކާ ހަދަން ފަށައިފި އެވެ. ޑޮކްޓަރަށް ވާން ދުށް ހުވަފެން އެއް ފަރާތުގައި ބާއްވާފައި، އޭ ލެވެލްގެ ރަން ފާހަކާ އެކު ވެސް އޭނާ އަށް މަޖުބޫރުވީ މަސައްކަތަށް ނުކުންނާށެވެ.

އޭގެ އަހަރުތަކެއް ފަހުން، މިއަދެވެ. ހުރިހާ ކަމެއް ބަދަލުވެއްޖެ އެވެ. އެކަމަކު، ނުގެއްލުނު އެއްޗަކީ ގިނަ ބަޔަކު ދަންނަ އާމިނަތު ސޫޒަންގެ ކެރުމެވެ. އަޑިގުޑަންތަކުގައި ދެއްކި ހިތްވަރެވެ. އެ ސާބިތުކަމެވެ. އުމުރުގެ ބޮޑުބައި މަސައްކަތް ކުރުމުގައި އުޅުމަށް ފަހު، ހިތްދެމިލާނެ ވަގުތުކޮޅެއް މި ލިބުނީ އަދި ކިރިޔާ އެވެ.

ތަފާތު އެކި ރޮނގުތަކުން ފާހަގަކޮށްލެވޭ އަންހެނުންނަށް ދެމުން އަންނަ ރެހެންދި އެވޯޑު، މި އަހަރު ހާސިލްކުރި ސޫޒަން ބުނީ ސްކޫލު ދައުރުގައި ރަނގަޅު ނަތީޖާއެއް ލިބުނަސް އާމްދަނީ ހޯދުމުގައި ވެސް އުޅެން ޖެހުމުން ނަތީޖާ ދަށްވާން ފެށި ކަމަށެވެ.

މައުޟޫޢުތަށް