ވިލިމާލޭގެ ނިކަގަސްތައް ކަނޑަން ރައީސްގެ ބައްދަލުވުމުގައި ވޯޓުން ނިންމައިފި
މިހާރު
24 ނޮވެމްބަރު 2025 | ހޯމަ | 3:48
އެ ނިކަގަސްތައް ކަނޑަން ރައްޔިތުން އެދުނީ އެ ގަސްތަކުގެ މުލުގެ އުނދަގޫ އެހިސާބުގައި ދިރިއުޅޭ މީހުންގެ ގޭގެއަށް ކުރާތީ.
ވިލިމާލޭގައި ހުރި ދުވަސްވީ ދެ ނިކަގަސް ކަނޑަން، އެ ރަށުގެ ރައްޔިތުންނާ އެކު ރައީސް ޑރ. މުހައްމަދު މުއިއްޒު ރޭ ބޭއްވެވި ބައްދަލުވުމުގައި ނެގި ވޯޓުން ނިންމައިފި އެވެ.
ވިލިމާލޭގައި ދިރިއުޅޭ ރައްޔިތުންނާ ބައްލުކުުރެއްވުމަށް ރޭ މުހިއްޔުއްދީން ސްކޫލް ހޯލުގައި ބޭއްވި ޖަލްސާގައި އެ އަވަށުގައި ދިރިއުޅޭ ބައެެއް ރައްޔިތުން ވަނީ އެ މީހުންގެ ހުރި ކަންބޮޑުވުންތައް ރައީސާ ހިއްސާކޮށްފަ އެވެ.