އެއްވެ އުޅުމުގެ ގާނޫނު އުވާލަން ހުށަހެޅި ބިލް ބޭރުކޮށްލައިފި
މިހާރު
24 ނޮވެމްބަރު 2025 | ހޯމަ | 4:44
އެއްވެ އުޅުމުގެ ގާނޫނު އުވާލަން ރައްޔިތުންގެ މަޖިލީހަށް ހުށަހެޅި ބިލް މިއަދު ބޭރުކޮށްލައިފި އެވެ.
ސުލްހަވެރިކަމާ އެކު އެއްވެ އުޅުމުގެ ގާނޫނު 2013 ވަނަ އަހަރު ފާސްކޮށްފައި ވަނިކޮށް ކުރީގެ ރައީސް އަބްދުﷲ ޔާމީންގެ ވެރިކަމުގައި އެ ގާނޫނު ވަނީ އިސްލާހުކޮށް، މާލޭގެ ވަކި ސަރަހައްދުތަކެއް ފިޔަވައި އެހެން ތަންތަނަށް އެއްވާ ނަމަ ފުލުހުންގެ ހުއްދަ ހޯދަންޖެހޭ ގޮތަށް ހަމަޖައްސައިފަ އެވެ.
އެ ގާނޫނު އުވާލަން އެމްޑީޕީއަށް ނިސްބަތްވާ ގަލޮޅު ދެކުނު ދާއިރާގެ މެމްބަރު މީކާއިލް އަހުމަދު ނަސީމް ހުށަހެޅުއްވި ބިލް މަޖިލީހަށް ބަލައިނުގަތުމަށް ފާސްކުރީ މިއަދު ނެގި ވޯޓުގައި 48 މެމްބަރުންގެ ވޯޓުންނެވެ. އެ ބިލް މަޖިލީހަށް ބަލައިގަތުމަށް ވޯޓު ދެއްވީ އެމްޑީޕީގެ 11 މެމްބަރުންނެވެ.