ރައީސް މާދަމާ ރޭ މައްޗަންގޮޅި ރައްޔިތުން ގާތަށް
މިހާރު
24 ނޮވެމްބަރު 2025 | ހޯމަ | 10:07
ރައީސް ޑރ. މުހައްމަދު މުއިއްޒު މައްޗަންގޮޅީ ރައްޔިތުންނާ މާދަމާ ރޭ ބައްދަލުކުރައްވަން ތާވަލް ކުރައްވައިފި އެވެ.
ރައީސް އޮފީހުގެ ތަރުޖަމާން ހީނާ ވަލީދު މިއަދު ވިދާޅުވީ، އެ ބައްދަލުވުން އޮންނާނީ މާދަމާ ރޭގެ 8:30 ގައި އަމީނިއްޔާ ސްކޫލްގައި ކަމަށެވެ. އެހެންވެ، އެ އަވަށުގެ ހުރިހާ އެންމެންނަށް ދައުވަތު ދެއްވާ ކަމަށް ހީނާ ވިދާޅުވި އެވެ.
ހުޅުމާލެ ހިމެނޭ ގޮތަށް ވަކިވަކިން މާލޭގެ ހުރިހާ އަވަށްތަކުގެ ރައްޔިތުންނާ ބައްދަލު ކުރައްވާނެ ކަމަށް ރައީސް ޑރ. މުހައްމަދު މުއިއްޒު އިއުލާން ކުރެއްވީ މި ސަރުކާރަށް ދެ އަހަރު ފުރުން ފާހަގަކުރަން މިދިޔަ ހަފުތާގެ ހޯމަ ދުވަހުގެ ރޭ ބޭއްވި ހާއްސަ ބައްދަލުވުމުގަ އެވެ.