ޑިޖިޓަލް ދާއިރާ ކުރިއަރާފައިވާ މި ޒަމާނުގައި އަނިޔާއަކީ ކޮންމެ ދުވަހެއްގައި ކުރިމަތިވަމުންދާ ކަމެއްގެ ގޮތުގައި ބަލައިގަނެ، އެކަން އާދައިގެ ކަމަކަށް ހެދުމަކީ ބަލައިގަނެވޭނެ ކަމެއް ނޫން ކަމަށް ފަސްޓް ލޭޑީ ސާޖިދާ މުހައްމަދު މިއަދު ވިދާޅުވެއްޖެ އެވެ.

އަންހެނުންނަށް ކުރާ އަނިޔާ ނައްތާލުމަށް ބާރުއަޅަން ބައިނަލްއަގުވާމީ ފެންވަރުގައި މިއަދު ފާހަގަކުރަމުން އަންނަ ދުވަހާ ގުޅިގެން ސާޖިދާ ވިދާޅުވީ އެކަމަނާ ވަކާލާތު ކުރައްވަން ބޭނުންފުޅު ވަނީ އަނިޔާއަށް ބިރުގަނެ، ބަސް ބުނަން ނުކެރިފައިވާ އަންހެނުންނާއި އަންހެން ކުދިންގެ ހައްގުގައި ކަމަށެވެ.

ސާޖިދާ ވިދާޅުވީ އެންމެންނަށް ވެސް ރައްކާތެރިކަމާއި ކަރާމާތާއި މިނިވަންކަމުގެ ހައްގު ލިބެންޖެހޭ ކަމަށެވެ. އަދި ކުރިއަރާފައިވާ މި ޒަމާނުގައި އަނިޔާއަކީ ކޮންމެ ދުވަހެއްގެ ދިރިއުޅުމުގެ އާދައެއްގެ ގޮތުގައި "ނޯމަލް" ކޮށްގެން ނުވާނެ ކަމަށް އެކަމަނާ ވިދާޅުވި އެވެ.

މައުޟޫޢުތަށް