މީހެއްގެ ބޭންކް އެކައުންޓުގެ ތަފުސީލް އާންމުކުރެއްވި މައްސަލާގައި އަސްލު ނިޔަތަކީ އެކަމާ ގުޅޭ ހަގީގަތް ހާމަކުރެއްވުން ކަމަށާއި އެކަން ކުރުމުގައި މީހާގެ ޒާތީ މައުލޫމާތެއް ހާމަކުރެއްވުނު ކަމަށްވާ ނަމަ އެކަމަށް މާފަށް އެދިވަޑައިގަންނަވާ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު ވިދާޅުވެއްޖެ އެވެ.

ޝަހީމް އެކްސްގައި ކުރެއްވި ޕޯސްޓެއްގައި ވިދާޅުވީ އެއްވެސް މީހެއްގެ ޒާތީ މައުލޫމާތު ހާމަކުރުމަކީ އޭނާގެ މަގުސަދެއް ނޫން ކަމަށާއި މަގުސަދަކަށް ވީ ޒަކާތުގެ ކަމަކާ ގުޅިގެން އެ މީހާ ހާމަކުރި މައުލޫމާތަކީ ހަގީގަތް އޮޅޭ ގޮތަށް ހާމަކުރި މައުލޫމާތަކަށް ވާތީވެ، އެކަމުގެ ހަގީގަތް ބަޔާންކޮށްދެއްވުން ކަމަށެވެ.

އޭގެ މަގުސަދަކީ ރާއްޖޭގެ އެތައް ހާސް ރައްޔިތުން ޒަކާތު ފަންޑާ ހަވާލުކުރާ އެތައް މިލިއަން ރުފިޔާގެ އަމާނާތް އެތަނުން އަދާކުރަމުން އަންނަނީ އަދުލުވެރިކަމާއި އިންސާފުންވެރިކަމާއި އިސްލާމީ ޝަރީއަތުގައިވާ ގޮތުގެ މަތިންކަން ކަށަވަރުކޮށްދިނުން ކަމަށް ވެސް ޝަހީމް ވިދާޅުވި އެވެ.

މައުޟޫޢުތަށް