އާޒިމާއަށް ކުރާ ދައުވާ ކުރިއަށް ނުގެންދަން ނިންމައިފި
މިހާރު
25 ނޮވެމްބަރު 2025 | އަންގާރަ | 3:53
އެމްއެމްޕީއާރްސީގެ ހިޔާނާތާ ގުޅޭ މައްސަލާގައި ކުރީގެ ބަންޑާރަ ނައިބު އާޒިމާ ޝަކޫރުގެ މައްޗަށް ދައުލަތުން އުފުލާފައިވާ ދައުވާ ކުރިއަށް ނުގެންދަން ނިންމައި، ޕްރޮސިކިއުޓާ ޖެނަރަލްގެ އޮފީހުން އެ މައްސަލަ އަނބުރާ ނަގައިފި އެވެ.
އާޒިމާގެ މައްޗަށް ދައުލަތުން 2019 ވަނަ އަހަރުގެ ތެރޭގައި އުފުލީ މަނީ ލޯންޑްރިންއަށް މަގުފަހިކޮށްދިނުމުގެ ދައުވާ އާއި ރަސްމީ އިދާރާއަކަށް ދޮގު މައުލޫމާތު ދިނުމުގެ ދައުވާ އެވެ. އެ ދައުވާތައް ރިވިއުކޮށްދޭން އާޒިމާ ވަނީ ހުށަހަޅުއްވައިފަ އެވެ.
ޕްރޮސިކިއުޓާ ޖެނަރަލްގެ އޮފީހުން ބުނި ގޮތުގައި އާޒިމާގެ މައްޗަށް ދައުވާ ކުރިއަށް ނުގެންދަން ނިންމީ އޭނާގެ މައްޗަށް ތުހުމަތު ކުރެވޭ ކުށުގެ އަމަލުގެ ސަބަބުން މަގުފަހިވި މަނީ ލޯންޑްރިން ކުށުގެ އަސްލު ފާއިލުގެ މައްޗަށް ކުށް ސާބިތުނުވާ ކަމަށް ސުޕްރީމް ކޯޓުގައި ހުކުމްކޮށްފައިވާތީ އެވެ.