މާލޭ ސަރަހައްދުގެ ބޯހިޔާވަހިކަމުގެ މައްސަލައަށް ދާއިމީ ހައްލެއް ހޯދުމަށް ސަރުކާރުން ހިންގާ އެންމެ ބޮޑު މަޝްރޫއު، ރަސްމާލޭ ހިއްކުން އަވަސްކުރުމަށް އަންނަ މަހުގެ ފުރަތަމަ ހަފްތާގައި ރާއްޖެއަށް ބޮޑު ޑްރެޖަރު ގެންނާނެ ކަމަށާއި އެއާ އެކު އަންނަ އޭޕްރީލްގައި އެތަނުގެ މަަސައްކަތް އެއްކޮށް ނިމޭނެ ކަމަށް ރައީސް ޑރ. މުހައްމަދު މުއިއްޒު މިރޭ ވިދާޅުވެއްޖެ އެވެ.

މައްޗަންގޮޅި ރައްޔިތުންނާ ބައްދަލުކުރެއްވުމަށް ބޭއްވި ބައްދަލުވުމުގައި ގިނަ ބަޔަކު ވަނީ ބޯހިޔާވަހިކަން ނުލިބި ދިގުލައިގެން ދިއުމުން އެ މީހުންގެ ދިރިއުޅުމުގައި ހުރި ދަތިތައް ރައީސާ ހިއްސާކޮށްފަ އެވެ.

އެކަމާ ގުޅިގެން ރައީސް ވިދާޅުވީ މިހާރު އިއުލާނުކޮށްފައިވާ މަޝްރޫއުތަކުގެ އިތުރުން ފްލެޓާއި ގޯއްޗަށް ހުޅުވާލުމަށް އިތުރަށް ބިން ހިއްކަންޖެހޭ ކަމަށެވެ.

މައުޟޫޢުތަށް