ފުލުހުންގެ މަސައްކަތް ހަރުދަނާކުރާނެ ގޮތްތައް ހޯދަން ކޮންފަރެންސެއް ބާއްވަން ތައްޔާރުވެއްޖެ
މިހާރު
26 ނޮވެމްބަރު 2025 | ބުދަ | 11:39
ފުލުހުންގެ މަސައްކަތް ހަރުދަނާ ކުރުމަށް ކުރަންޖެހޭ ކަންކަން ދެނެގަތުމަށް ފުލުހުންގެ އިސް ބޭފުޅުންގެ ކޮންފަރެންސެއް ބާއްވަން ނިންމައިފި އެވެ.
އަންނަ މަހުގެ 2 އަދި 3 ގައި މި ކޮންފަރެންސް ބާއްވަން ނިންމާފައި މި ވަނީ ފުލުހުންގެ މަސައްކަތާ މެދު ސުވާލު އުފެދޭ އަދި އިތުބާރު ގެއްލޭ ފަދަ ކަންތައްތަކެއް ފެންމަތިވެފައިވާ ވަގުތެއްގަ އެވެ.
ފުލުހުންގެ ވެލްފެއާ ކުންފުނި ޕޮލްކޯ އާއި އެހެނިހެން ބައެއް ކަންކަމާ ގުޅޭ ކޮރަޕްޝަނަށް ތުހުމަތު ކުރެވޭ މައްސަލަތަކެއް ރައްޔިތުންގެ މަޖިލީހުގެ މާލިއްޔަތު ކޮމިޓީން ބަަލައި ޕޮލިސް ކޮމިޝަނަރު އިސްމާއިލް ނަވީނާއި ފުލުހުންގެ އިތުރު ހަ އޮފިސަރަކާ މެދު ފިޔަވަޅު އަޅަން ހުށަހެޅުމަށް ވެސް ކޮމިޓީން ފާސްކޮށްފައި ވަނިކޮށް ކޮންފަރެންސްގެ ޕްރީ އެންގޭޖްމަންޓް ސެޝަނެއް މާދަމާ ހެނދުނު ފަށަން ވަނީ ނިންމައިފަ އެވެ.