ޗެލްސީ އާއެކު 2012 ވަނަ އަހަރު ޗެމްޕިއަންސް ލީގު ކާމިޔާބު ކޮށްފައިވާ ބްރެޒިލްގެ ކުރީގެ ޑިފެންޑަރު ޑޭވިޑް ލުއިޒްގެ ގޯލަކާ އެކު ސައިޕްރަސްގެ ޗެމްޕިއަން ޕާފޯސް އަމިއްލަ ދަނޑުގައި ފްރާންސްގެ މޮނާކޯއާ 2-2 އިން އެއްވަރު ކޮށްފި އެވެ.

މޮނާކޯ ވަނީ މެޗުގެ ފަސްވަނަ މިނިޓުގައި، ލިވަޕޫލްގެ ކުރީގެ މިޑްފީލްޑަރު ޖަޕާނު ޓަކޫމީ މިނަމީނީގެ ގޯލަކުން ލީޑު ނަގައިފަ އެވެ. ނަމަވެސް 18 ވަނަ މިނިޓުގައި ލުއިޒް ވަނީ ބޮލުން ގޯލެއް ޖަހައި ޕާފޯސް އަށް އެއްވަރު ކޮށްދީފަ އެވެ.

މިއާ އެކު އުމުރުން 38 އަހަރާއި 218 ދުވަހުގައި ލުއިޒް ވެފައި ވަނީ ޗެމްޕިއަންސް ލީގުގެ ތާރީހުގައި ވެސް ގޯލު ޖެހި ދެވަނައަށް އެންމެ ދޮށީ ކުޅުންތެރިޔާއަށް ވެފަ އެވެ. އެންމެ ދޮށީ ކުޅުންތެރިއަކީ 2023 ވަނަ އަހަރުގެ ޑިސެމްބަރު މަހު، ޕޯޗުގަލްގެ ޕޯޓޯ އަށް ކުޅެމުން އުމުރުން 40 އަހަރާއި 290 ދުވަހުގައި ގޯލު ޖެހި އެ ގައުމުގެ ލެޖެންޑަރީ ޑިފެންޑަރު ޕެޕޭ އެވެ.

މައުޟޫޢުތަށް