ބައްޔަކަށް ފަހު ބައްޔެއް، ލިވަޕޫލަށް ވެގެން އުޅޭގޮތާ މެދު ސްލޮޓް ވެސް "އޮޅުންބޮޅުމެއްގައި"
މިހާރު
27 ނޮވެމްބަރު 2025 | ބުރާސްފަތި | 9:29
ލިވަޕޫލަށް ކުރިމަތިވެގެން އުޅޭ ގޮތާމެދު އޭނާ ވެސް ހުރީ އޮޅުން އަރައިފައި ކަމަށް ކޯޗު އާނެ ސްލޮޓް ބުނެފި އެވެ.
ޔޫއެފާ ޗެމްޕިއަންސް ލީގުގައި ރޭ ޕީއެސްވީ އެންދޯވަން އަތުން ލިވަޕޫލް އަމިއްލަ ދަނޑުގައި ބަލިވީ 4-1 ންނެވެ. އެ ބައްޔަކީ އެ ކްލަބުން އެންމެ ފަހުން ކުޅުނު 12 މެޗުގެ ތެރެއިން ކުރިމަވި ނުވަ ވަނަ ބައްޔެވެ.
ޕްރިމިއާ ލީގުގެ އެންމެ ފަހުގެ ޗެމްޕިއަން، މި ސީޒަނަށް ނުކުތީ ޓްރާންސްފާ މާކެޓްގައި ރަނގަޅު ހޭދަތަކެއްކޮށް މޮޅު ކުޅުންތެރިންތަކެއް ހޯދައިގެންނެވެ.