ތޫފާން ސެންޔާ: މެލޭޝިއާއަށް މީގެ ކުރިން ނާރާ ވަރުގެ ބާރުގަދަ ތޫފާނެއް
މިހާރު
27 ނޮވެމްބަރު 2025 | ބުރާސްފަތި | 4:27
މިރޭގެ ވަގުތެއްގައި މެލޭޝިއާއަށް އަރާނެ ކަމަށް ލަފާކޮށްފައިވާ ތޫފާން "ސެންޔާ"އަކީ މީގެ ކުރިން ދުވަހަކު ވެސް އެ ގައުމަށް ނާރާ ވަރުގެ ބާރުގަދަ ތޫފާނެއް ކަމަށް އެ ގައުމުގެ މޫސުމާ ބެހޭ އިދާރާއިން ބުނެފި އެވެ.
މެލޭޝިއާގެ މޫސުމާ ބެހޭ އިދާރާ "މެޓް މެލޭޝިއާ"ގެ ޑިރެކްޓަރު ޖެނެރަލް ޑރ. މުހައްމަދު ހިޝާމް އަނިޕް "ނިއު ސްޓްރެއިޓް ޓައިމްސް" އަށް މިއަދު ވިދާޅުވީ މަލަކާ ކަނޑުގައި މިދިޔަ ހޮނިހިރު ދުވަހު އުފެދުނު އެ ކޮޅިގަނޑު ބާރުގަދަ ތޫފާނަކަށް ބަދަލުވެފައިވާއިރު، އެއީ އެ ހިސާބަށް މީގެ ކުރިން އައިސްފައިވާ ނުވާ ވަރުގެ ބާރުގަދަ ތޫފާނެއް ކަމަށް ރެކޯޑްތަކުން ދައްކާ ކަމަށެވެ.
އެ ކަނޑުގައި އެންމެފަހުން އުފެދުނު ކޮޅިގަނޑުގެ އަސަރު މެލޭޝިއާގެ ޕެނަންގަށް ކުރީ 2017 ވަނަ އަހަރު ކަމަށާއި އެ ފަހަރު ވެސް ކޮޅިގަނޑު ތޫފާނަކަށް ބަދަލުވެ ނުރައްކާތެރި ހާލަތަކަށް ނުދާ ކަމަށް އޭނާ ވިދާޅުވި އެވެ.